Siglir tar il cuntegn

Header

Uffants en il champ da fugitivs Moria.
Legenda: En il champ da fugitivs Moria vivan var 400 minorens betg accumpagnads. Keystone
cuntegn

Champ da fugitivs Moria Svizra vul prender si 20 uffants e giuvenils da Lesbos

La Svizra vul prender si var 20 uffants e giuvenils dal champ da fugitivs Moria, che ha brischà sin l’insla greca Lesbos. Ins veglia uschia participar al program che la Germania e la Frantscha han instradà, ha communitgà il Cussegl federal.

En il center stat dentant l'agid al lieu. Oz venderdi vegn sgulà ina tonna material ad Athen. A bord èn satgs da durmir, mattas da durmir, canisters cun aua, utensils da cuschina ed auter rauba d'agid.

Protecziun per uffants

La Svizra vul prender si 20 da var 400 minorens betg accumpagnads dal champ da fugitivs Moria. Differentas citads svizras sco Turitg e Berna avevan annunzià avant dad esser prontas da far quai. L'Uniun Europeica saja vidlonder dad organisar l'evacuaziun dals uffants e giuvenils en auters pajais da l'Europa. Il minister da l'intern Horst Seehofer ha dà enconuschent, che gia 10 pajais hajan empermess da sa gidar. Sulet la Frantscha e la Germania vulan prender si var 100 fin 150 dad els.

12'000 empè da 3'000 persunas

Suenter l’incendi dal champ da fugitivs sin Lesbos èn passa 12’000 migrants senza tetg. Empè dals 3'000 migrantas e migrants eran là 12'000 persunas plazzadas. Intginas dad ellas duain avair dà fieu, quai suenter ch'abitants dal champ avessan stuì ir en quarantina pervia da corona.

Ord l'archiv da SRF

video
Il pli grond champ da fugitivs brischa
Or da SRF News dals 09.09.2020.
laschar ir

RTR novitds 15:00

Artitgels legids il pli savens

Scrollar a sanestra Scrollar a dretga