Siglir tar il cuntegn

Header

Demonstraziun en il chantun Argovia
Legenda: L'atmosfera è sco tar las ulteriuras demonstraziuns tendida. Keystone
cuntegn

Chantun Argovia Plirs tschients demonstreschan ad Aarau

Ad Aarau han radund 1'500 persunas demonstrà cunter las mesiras da las autoritads en il cumbat cunter la pandemia da corona.

La demonstraziun betg lubida è marschada tras la citad veglia. Quasi naginas da las persunas manifestantas hajan purtà mascrina ha relatà in reporter da l'agentura da novitads Keystone-SDA.

Tenor la polizia dal chantun èn radund 1'500 demonstrantas e demonstrants stads da la partida. La demonstraziun è per gronda part stada paschaivla. Tar il Schlossplatz ha la polizia dentant stuì far diever da gas lacrimogen cunter ils demonstrants. Quels avevan tenor indicaziuns da la polizia empruvà da survegnir access a la plazza. Gia enturn mezdi aveva ella controllà e tramess davent exponents dal moviment «Aktionsbündnis Aargau-Zürich für eine vernünftige Corona-Politik».

La polizia aveva appellà pliras giadas via Twitter d'evitar la citad d'Aarau. Tgi che sa participeschia a la demonstraziun sa rendia chastiabel. E quellas persunas che na portian nagina mascrina, pericliteschian betg mo sasez, mabain era ils auters.

Ord l'archiv

Er a Cuira avevi dà il mars protestas cunter las mesiras da corona.

video
Il nas plain da corona
Or da Telesguard dals 08.03.2021.
laschar ir

RTR Novitads 15:00

Artitgels legids il pli savens

Scrollar a sanestra Scrollar a dretga