Ad Altdorf en il chantun Uri ha la polizia schlià si oz suentermezdi ina pitschna demonstraziun dad adversaris da la politica da corona. La polizia ha pliras giadas fatg diever da gas lacrimogen.
Gia oz a bun’ura aveva la polizia controllà pliras persunas ch’eran sa messas da viadi ad Uri. Il chantun aveva annunzià ch’el na vegnia betg a tolerar ina demonstraziun. Motiv è tranter auter er la situaziun da corona en il chantun: Uri ha ina fitg auta rata d’infecziun.