Siglir tar il cuntegn

Header

purtret da demonstrants a Liestal.
Legenda: A Liestal han radund 5'000 persunas demonstrà encunter las mesiras da corona. Keystone
cuntegn

Mesiras da corona 8'000 persunas sa radunadas a Liestal per protestar

8'000 persunas èn sa radunadas sonda a Liestal en il chantun Basilea-Champagna per ina manifestaziun lubida cunter las mesiras da corona. Quai rapporta l'agentura da novitads Keystone-SDA.

Las bleras persunas na purtavan betg ina mascra, malgrà che la polizia ha appellà cun autpledaders da far quai. Ma lezza ha era ditg ch'ins na veglia betg intervegnir, mabain sa concentrar che tut ensemen passia paschaivlamain. Demonstrantas e demonstrants purtavan tavlas cun scrit si «Vaccinar mazza» u «Nagins tests da massa».

Clamà al marsch da protesta aveva l'uniun «Protest calm» ch'ha gia inizià l'emna passada protests sumegliants a Cuira e Wohlen. A Berna ha la polizia stenschentà l'emprova d'ina demonstraziun da corona da la bell'entschatta e gnanc laschà sa radunar pli grondas fullas da glieud.

RTR novitads 17:00

Artitgels legids il pli savens

Scrollar a sanestra Scrollar a dretga