Il chantun Berna trametta sias scolaras e scolars trais dis pli baud en las vacanzas da Nadal che planisà. Enstagl dals 24 da december è la scola gia a fin ils 21 da december, hai num en ina newsletter als mainascolas. Uschia duain las chadainas d'infecziun anc vegnir interruttas avant ils dis da festa. En il chantun Berna hai dà l'ultim temp en bleras scolas in grond dumber d'uffants cun corona.
Obligatori da mascrina
Auters chantuns han decis da schlargiar l'obligatori da mascrinas per scolaras e scolars, per part vala quel da nov per tut ils stgalims. En il chantun Grischun vala l'obligatori da mascrina a partir da glindesdi per tuts uffants e giuvenils a partir da la terza classa.
