La Partida socialdemocratica ha dumagnà il return en la regenza lucernaisa. Quai suenter otg onns absenza. Vegnida elegida è Ylfete Fanaj cun gist sur 45'000 vuschs. Claudia Huser da la Partida verd-liberala ha survegnì radund 39'000 vuschs.
Er elegì è il candidat da la Partida populara svizra Armin Hartmann. El ha survegnì las pli bleras vuschs, numnadamain passa 51'000. La participaziun a las elecziuns è stada 33,7% da las persunas che dastgan eleger.
Puspè ina dunna en la regenza
Uschia è l'executiva puspè cumpletta ed in bun tant pli feminina che durant ils ultims otg onns. Lura n'avevi nagina dunna en il gremi. Gia elegidas ils dus d'avrigl èn stadas: Fabian Peter (PLD), Reto Wyss (AdC) e Michaela Tschuor (AdC).
audio
Per tadlar: las novitads da las 14:00
ord RTR Audio dals 14.05.2023.
laschar ir. Durada: 3 minutas 3 Secundas.
