Siglir tar il cuntegn

Header

cuntegn

Chantun Sviz Damian Meier nov cusseglier guvernativ

Damian Meier è vegnì elegì sco cusseglier guvernativ dal chantun Sviz. Uschia è la regenza puspè cumpletta per il rest da la legislatura. La PLD ha stuì defender ses sez cunter la Partida verd-liberala ch'aveva er tschentà ina candidata. Ils resultats da las elecziuns en detagl:

  • Damian Meier (PLD) 16'125 vuschs
  • Ursula Lindauer (PVL) 11'787 vuschs
  • Peter Abegg (senza partida) 5'842 vuschs
  • Jürg Rückmar (moviment «Aufrecht Schwyz») 1'045 vuschs
La nova regenza dal chantun Sviz.
Legenda: La nova regenza dal chantun Sviz. Da sanester: Xaver Schuler, PPS, Sandro Patierno, AdC, Michael Staehli, AdC, Andre Rueegsegger, PPS, Petra Steimen-Rickenbacher, PLD, Herbert Huwiler, PPS, Damian Meier, PLD, e chancelier Mathias E. Brun Keystone

Damian Meier è cumandant da la Polizia chantunala dal chantun Sviz. Experientscha en la politica ha l'anteriur scolast primar da 48 onns pudì rimnar en il parlament chantunal.

La PPS ha pudì defender sez en la regenza gia la fin da settember cun Xaver Schuler:

Nagina occupaziun accessorica

Plinavant ha il chantun Sviz decis che commembers da la regenza na dastgan betg pli avair in'occupaziun secundara. Persuenter survegnan ellas dapli paja, enstagl da 180'000 francs da nov 250'00 francs ad onn.

audio
Per tadlar: las novitads da las 15:00
ord RTR Audio dals 27.11.2022.
laschar ir. Durada: 7 minutas 22 Secundas.

RTR novitads 15:00

Artitgels legids il pli savens

Scrollar a sanestra Scrollar a dretga