Siglir tar il cuntegn

Header

Auto ars suenter assagl ed auto da polizia dasperas.
Legenda: Suenter plirs assagls sin transports da daners en il Vad, ha la regenza dal chantun decidì la mesemna mesiras urgentas per transports da daners. Keystone
cuntegn

Chantun Vad Mesiras urgentas per transports da daners

La regenza dal chantun Vad prenda mesiras urgentas per evitar ulteriurs assagls sin transports da daners. Quels dastgan a partir dad immediat vegnir fatgs mo pli en autos ferm-armads e quai tranter las 05:00 e las 22:00. La summa che mintga vehichel dastga transportar vegn limitada sin 10 milliuns francs.

Ultra da quai ston ils transports esser equipads cun in mecanissem che destruescha ils daners ed objects da valur en il cas d'in assagl. Nov ston almain duas persunas, inclus il chauffeur, accumpagnar il transport.

Las mesiras urgentas sajan vegnidas decidas suenter discussiuns cun la Polizia chantunala dal Vad e da l'Uniun svizra da servetschs da segirezza. Sustegnidas vegnian las mesiras er da las interpresas da transport, scriva la regenza dal chantun Vad.

Ord l'archiv da SRF:

Tar l'ultim assagl sin in transport da daners a Daillens l'entschatta da quest mais han ils laders – sco gia tar ulteriurs assagls – ars ils autos per eliminar fastizs.

video
Ord l'archiv: Ars ils autos per eliminar fastizs
Or da Tagesschau dals 03.12.2019.
laschar ir

RTR novitads 16:00

Artitgels legids il pli savens

Scrollar a sanestra Scrollar a dretga