L’offensiva da testar dal Cussegl federal stagnescha. Quai demussa ina retschertga da la «Sonntagszeitung». Blers chantuns n’hajan anc insumma nagin plan. Ils chantuns Vad, Vallais, Lucerna e Turitg per exempel veglian pir decider las proximas emnas, sch’els veglian augmentar lur emprovas da pilot per tests da massa en scolas ed interpresas. Turitg, ils chantuns da la Svizra Orientala e Basilea-Citad veglian dal tuttafatg desister da tests da massa en scolas.
Er firmas targlinan
Ma er firmas grondas sa dostian anc tenor retschertga: Il detaglist Migros veglia l’emprim ina giada examinar; Denner na planisescha nagins tests da massa. Coop discurra da programs da test en tscherts lieus e la Posta Svizra na vesia nagina necessitad per tals tests.