Siglir tar il cuntegn

Header

cuntegn

Chareschia dad 1,9% Uniun dals sindicats svizzers pretenda in augment da las pajas

L'uniun dals sindicats svizzers pretenda in augment da las pajas en il rom da sia radunanza da delegads da venderdi. Sin basa da l'inflaziun smanatschian uschiglio scursanidas d'entradas massivas, uschia l'argumentaziun dals sindicats.

Cunquai che la situaziun da fatschenta da las firmas saja buna, dettia in cler spazi d'agir per augments da paja. Dasper las pajas stoppian però er las rentas vegnir adattadas a la chareschia. Il secretariat statal per economia SECO aveva prognostitgà il mars in augment da la chareschia da 1,9% per quest onn.

Las schanzas per pli autas pajas saja realistic

Che las pajas vegnian adattadas almain per part saja realistic. Las interpresas spetgian in augment medi da la paja sin la vista annuala dad 1,6%. Quai mussa ina retschertga publitgada venderdi da l'Institut da perscrutaziun da la conjunctura da la ETH Turitg. Quai è stgars sut la chareschia annuala dad 1,9% prognostitgada. Tenor la retschertga sajan dentant las differenzas fitg grondas tranter ils manaschis e las branschas.

RTR novitads 17:00

Artitgels legids il pli savens