Siglir tar il cuntegn

Header

cuntegn

Cifras 1. quartal Roche profitescha danovamain da tests da corona

Il concern da farmazia Roche è sin buna via da cuntanscher sias finamiras da quest onn. L’emprim quartal da l’onn saja la svieuta s’augmentada per 10% sin 16,4 milliardas francs, cumpareglià cun la medema perioda da l’onn passà. D’attribuir saja quest resultat tranter auter er a la dumonda da tests da corona che saja vinavant stada gronda dal schaner fin il mars. Indicaziuns davart il gudogn fa il concern cun sedia a Basilea la fin dal semester e la fin da l’onn.

Roche quinta cun pli paucs tests da corona

En la sparta da diagnostica è la svieuta grà a l'auta dumonda per tests da corona creschida per 22% sin 5,3 milliardas francs. Dentant quinta Roche che la dumonda per ils tests da corona vegn a sbassar durant il curs da l'onn. Sch'ins vegn anc ina giada a vesair ina pli auta dumonda en connex cun ils tests il quart quartal pervia da la stagiun da grippa che cumenza lura, saja grev da dir gia oz, di il CEO da Roche, Severin Schwan.

audio
Per tadlar: curt e cumpact
aus RTR Audio vom 25.04.2022.
abspielen. Laufzeit 2 minutas 1 Sekunde.

RTR novitads 09:00

Artitgels legids il pli savens

Scrollar a sanestra Scrollar a dretga