L'Andermatt Swiss Alps ha fatg l’onn passà bunamain in quart dapli svieuta che anc l’onn avant. Sco Orascom, la societad purtadra da Andermatt Swiss Alps, ha communitgà, muntia la svieuta totala a passa 167 milliuns francs.
Il pli fitg è la svieuta creschida en il sectur management da destinaziun, numnadamain per passa 50 pertschient. Tar ils hotels da Andermatt Swiss Alps è la svieuta creschida per 45 pertschient. Cun immobiglias fa la societad ils pli blers daners. La svieuta è creschida là per 12 pertschient.
