L'UBS ha fatg en l'emprim quartal dal 2023 1,03 milliardas dollars gudogn. Quai è radund la mesadad dal gudogn en il medem quartal dal 2022. L'emprim quartal dal 2022 è dentant er stà excepziunalmain bun.
Cas giuridics en l'USA
L'UBS ha er mess sin la vart dapli daners ch'en auters onns per cas giuridics. Quels daners sajan qua per schliar cas or dal temp da la crisa da finanzas globala cun las autoritads dals Stadis unids. Tenor il CEO da l'UBS Sergio Ermotti vegnia qua baud a dar ina schliaziun. En tut ha l'UBS mess da la vart 665 millliuns dollars per quai.
Pudì attrair dapli daners da clientella
En l'administraziun da facultad globala ha la banca pudì attrair 28 milliardas dollars. 7 milliardas sajan idas tar l'UBS sulettamain en ils davos diesch dis dal mars, pia suenter il salvament da la Credit Suisse e la decisiun d'integrar la Credit Suisse en l'UBS.
Cun quai administrescha l'UBS bainbaud ina facultad da 4,16 billiuns dollars.
