Siglir tar il cuntegn

Header

cuntegn

Cifras nairas SRG SSR cun in plus da prest 50 milliuns francs

Suenter dus onns da sperdita scriva la Societad Svizra da Radio e Televisiun SRG SSR l'onn 2021 puspè cifras nairas. Uschia ha la SRG SSR fatg in plus da 48,7 milliuns francs, cumpareglià cun la sperdita da stgars 13 milliuns francs il 2020. Contribuì tar il bun resultat haja era la vendita da duas immobiglias a Turitg ed a Genevra. Plinavant haja la SRG SSR incassà il 2021 dapli daners da taxas.

L'onn 2021 saja stà in onn pretensius, scriva la SRG SSR. Las rapportaziuns en la partiziun News, ch'era vinavant fermamain marcà da la pandemia, ha nudà fitg autas quotas da participaziun al martgà ed ha gì ina gronda influenza. Quai ha gì in effect sin las entradas. Il program saja stà pli attractiv e tras quai saja l'entrada stada pli auta che l'onn avant.

Entradas da la reclama pli autas e tuttina pli bassas

Tras eveniments da sport, sco l'olimpiada a Tokio ed il campiunadi europeic da ballape, ha la SRG SSR l'onn 2021 gì pli bleras entradas da la reclama che l'onn avant. Tuttina èn las entradas tras la reclama 14,7 francs milliuns pli bassas che l'onn 2019. La transfurmaziun giaja perquai era vinavant. La SRG SSR stoppia vinavant s'adattar a las novas modas d'utilisaziun e quai cun tuttina resguardar las finanzas che vegnian adina pli stretgas.

RTR novitads 14:00

Artitgels legids il pli savens