Siglir tar il cuntegn

Header

cuntegn

Cifras Pretschs per proprietad creschan vinavant

En Svizra creschan ils pretschs per proprietad vinavant. Quai mussa il «Swiss Real Estate Offer Index». Ils pretschs per chasas d'ina famiglia èn creschids l'avrigl per 0,6%. Sur ils ultims 12 mais èn quels creschids per 8,3%. Abitaziuns da proprietad èn schizunt vegnidas per 1,4% pli charas durant il mais d'avrigl e per 8,1% en il decurs da l'onn passà. Tar las abitaziuns affitadas èn ils pretschs perencunter restads stabils durant il mais d'avrigl.

Fittar in abitaziun puspè pli bunmartgà che cumprar

Da fittar in'abitaziun è per l'emprima giada dapi 13 onns puspè pli bunmartgà, che da cumprar in'abitaziun da proprietad cun ina nova ipoteca. La raschun perquai sajan ils tschains auts per ipotecas fixas. Quai ha calculà la Credit Suisse. Ipotecas fixas da tschintg onns, sajan s'augmentadas entaifer trais mais per bunamain 1%.

Damai han las proprietarias ed ils proprietaris stuì pajar l’emprim quartal dal 2022 ina premia da 3,1% per proprietad d’abitar. Anc l'entschatta 2021 avevan proprietaris profità d’in rabat da proprietad da 15,5%.

audio
Per tadlar curt e cumpact
aus RTR Audio vom 02.05.2022.
abspielen. Laufzeit 2 minutas 39 Sekunden.

RTR novitads 10:00

Artitgels legids il pli savens

Scrollar a sanestra Scrollar a dretga