L'onn passà èn uschè bleras persunas sco anc mai vegnidas en ina situaziun d'urgenza u han gì in accident en las Alps svizras ed en il Giura. Total sajan 3'680 persunas stadas pertutgadas, sco la statistica 2021 dal Club alpin svizzer mussa. Ils pli blers cas d'urgenza hai dà ils mais fanadur (476), avust (683) e settember (472) e quai causa accidents durant viandar.
131 persunas sajan mortas en muntogna l'onn passà. Uschia èn mortas 68 persunas la stad durant viandar, 13 dapli che l'onn avant. Er hai dà dapli accidents da lavinas hai dà. 46% da las disgraziadas e disgraziads eran sulets en gir. Var in terz dals accidents mortals èn capitads en il chantun Vallais. En la muntogna grischuna èn tenor statistica dal CAS sa disgraziadas 14 persunas.
