Las chamonas dal Club alpin svizzer han dumbrà l'onn passà marcantamain dapli pernottaziuns, malgrà la situaziun da corona, e la trid'aura a l'entschatta da la stad. Las passa 320'911 pernottaziuns muntan in plus da 20% cumpareglià cun il 2020, sco il Club alpin svizzer scriva. Per 21,3% è la svieuta s'augmentada, quai munta a total 8,2 milliuns francs.
Cun 15% dapli pernottaziuns il 2021 han las chamonas en il Grischun procurà per in sumegliant bun resultat. Tar la stagiun da stad ch'è l'impurtanta hai dà in augment da 5%. Passa in quart dapli pernottaziuns han pudì dumbrar tranter auter las chamonas da Coaz, Jenatsch e Silvretta. L'enviern ha en Grischun dentant purtà in augment da 73%.
