Siglir tar il cuntegn

Header

cuntegn

Club bernais positiv Quarantina per visitaders dal «Kapitel Bollwerk»

Suenter avair visità sonda passada il club a Berna, ston tut ils 305 visitaders ir en quarantina. Quai ha il medi chantunal ordinà.

Ina persuna ch'aveva festivà en quest club era vegnida testada positiv sin Covid-19. La gievgia saja il test positiv vegnì enconuschent, ha communitgà la direcziun da sanadad dal chantun Berna. La persuna aveva sentì ils emprims sintoms dus dis suenter visitar il club.

Perquai ch’il coronavirus saja fitg privlus durant las 48 uras suenter ch’ils sintoms sajan sa mussads, hajan els dumandà tut ils 305 visitaders dal club dad ir en quarantina. Durant 10 dis na dastgan els betg bandunar lur chasas u abitaziuns, e ston sa tegnair vid las prescripziuns dal BAG.

Club resta avert

Ils manaders dal club «Kapitel Bollwerk» han ditg sin dumonda da l’agentura da novitads Keystone-SDA, ch’els tegnian vinavant avert lur manaschi. Il cas haja mussà che lur concept da protecziun funcziunia. Perquai cuntinueschian els cun lur activitads, mo uschia saja ina vita culturala durant il temp da corona insumma pussaivla, han ils responsabels dal club manegià.

RTR novitads 17:00

Artitgels legids il pli savens

Scrollar a sanestra Scrollar a dretga