In di istoric per il chantun Giura che survegn cun Elisabeth Baume-Schneider sia emprima cussegliera federala.
Il di dad oz è dentant era in signal positiv per il Grischun. Tant Albert Rösti sco era en spezial Elisabeth Baume-Schneider enconuschan las sfidas da las regiuns ruralas ed perifericas e portan quella schientscha el Cussegl federal.
Mo il model da success Svizra è dapli che vatgas sin las pastgiras e lais da fermada. I dovra era il respect ed il resguard sin las regiuns urbanas che n’èn cun il di dad oz betg pli represchentadas el gremi da set. Era qua datti signals positivs. Els sajan tuttavia conscients da quai, han Rösti e Baume-Schneider ditg sin dumonda.
Adrian Camartin
Correspundent Chasa federala
