Siglir tar il cuntegn

Header

Navigaziun

Kiosk.
Legenda: Tenor Valora han ins pudì augmentar il gudogn grazia a las bunas fatschentas cun mangiativas. Keystone
cuntegn

Commerzi en detagl Valora augmenta ses gudogn considerablamain

La svieuta dal detaglist Valora è restada stabila, percunter è il gudogn s'augmentà considerablamain.

L'interpresa Valora che maina kiosks ha augmentà fermamain ses gudogn ils emprims sis mais da quest onn, cumpareglià cun il medem temp da l’onn passà. Il gudogn è creschì per passa 21% sin 27 milliuns francs. La raschun per quest augment sajan cunzunt las fatschentas cun mangiativas, scriva Valora. Questa purschida veglian els uss schlargiar. La svieuta da Valora a stagnà l'emprim mez onn sin radund ina milliarda francs.

Sbassà las prognosas per 2019

Uschia è Valora vinavant sin buna via per pudair cuntanscher las prognosas ch'èn vegnidas adattadas dals investiders per l'onn current. Ins quinta cun in gudogn da manaschi da radund 90 milliuns francs.

Valora maina passa 2’700 stizuns en plirs pajais, tranter quellas era kiosks e stizuns da pastizarias.

RR novitads 09:00