La Confederaziun appellescha a tuts ch'han mascras da protecziun da chasa da regalar quellas a las instituziuns da sanadad. Persunas ch'hajan bleras mascras a chasa possian per exempel regalar quellas a chasas d'attempads e da tgira localas. Là vegnian quellas duvradas. Quai scriva l'Uffizi federal da sanadad via Twitter.
La fin d'emna aveva il labor a Spiez gia dà liber 10 milliuns mascras d'igiena per l'economia privata, quai malgrà che la data da quellas è scadida.
