En Svizra stoppian anc dapli persunas sa laschar vaccinar cunter Covid-19. Da quai avis sajan la Confederaziun ed era ils chantuns, ha ditg il minister da sanadad Alain Berset avant las medias a Berna.
Mo communablamain pudain nus far ina fin a la pandemia.
Ussa saja la davosa schanza da sa laschar vaccinar avant l'enviern per sbassar la ristga ch'ils ospitals vegnian surchargiads. Tenor Alain Berset ston ins cuntanscher las persunas che n'èn anc betg persvadidas da la vaccinaziun quai fetschian ins tranter auter cun l'emna da vaccinar davent dals 8 da november. Pli blers che sajan vaccinads e pli pitschen saja il ristg ch'ils ospitals vegnian surchargiads.
Il cusseglier federal ha er accentuà che nagin vegnia sfurzà da laschar vaccinar cunter il coronavirus, ma blers exponents hajan interess che la quota da vaccinar creschia.
