Ultra da quai ha la Confederaziun l'opziun per ulteriuras 7'000'000 dosas per la segunda mesadad dal 2022. Quai ha communitgà l'uffizi federal da sanadad BAG. Cun il contract nov saja la Svizra era preparada bain cunter mutaziuns dal virus futuras.
Actualmain perscrutescha Moderna ina vaccinaziun da revisiun che resguarda era variantas dal virus. La premissa è che Swissmedic lubescha il vaccin adattà da Moderna.
Cifras van enavos
L'uffizi federal da sanadad BAG ha annunzià 1'687 novas infecziuns cun il coronavirus entaifer las ultimas 24 uras. Cunquai è la media dals davos set dis tar 1'589 cas, quai èn 20 pertschient pli pauc cumpareglià cun l'emna avant.
41 ulteriuras persunas sajan mortas en connex cun Covid-19.
Il Grischun annunzia 37 novas infecziuns cun il coronaviurs entaifer in di. Duas ulteriuras persunas en mortas en connex cun Covid-19. En tut vegnian 16 persunas tgiradas en ospitals grischuns, quai èn trais pli pauc ch'il di avant.
