La Svizra sustegna l’Ucraina a lunga vista. Quai ha confermà il minister da l’exteriur Ignazio Cassis a la conferenza dals ministers da la Banca mundiala a Washington.
Legenda:
Ignazio Cassis durant la conferenza a Washington, ils 12-04-23.
Reuters
Fin il 2028 veglia il Cussegl federal metter a disposiziun almain ulteriuras 1,5 milliardas francs a l’Ucraina. Per ils daners duai l'uschenumnada declaraziun da Lugano vegnir resguardada. Quella ha mess si princips da basa per il sustegn, sco transparenza e refurmas en l'Ucraina.
Ensemen cun ils 300 milliuns francs, ch’èn previs per ils onns 2023 e 2024, sustegna la Svizra il pajais pia cun totalmain 1,8 milliardas francs ils proxims sis onns. Quest sustegn capitia en il rom da la strategia da la collavuraziun internaziunala.
audio
Per tadlar: las novitads da las 06:00
ord RTR Audio dals 13.04.2023.
laschar ir. Durada: 7 minutas.
