Siglir tar il cuntegn

Header

video
L'analisa suenter la conferenza per la reconstrucziun da l'Ucraina
Or da RTR Social dals 06.07.2022.
laschar ir. Durada: 2 minutas 29 Secundas.
cuntegn

Ucraine Recovery Conference «Decleraziun da Lugano» è reussida

A Lugano han discutà glindesdi e mardi represchentantas e represchentants da var 40 stadis e 18 organisaziuns internaziunalas davart la reconstrucziun da l’Ucraina. Tranter auter èn vegnidas definidas las prioritads, las metodas ed ils princips da la reconstrucziun.

Passa 40 stadis han suttascrit la decleraziun da Lugano che definescha ils princips per la reconstrucziun da l’Ucraina. Uschia definescha il document ch'il stadi da dretg sto vegnir garantì e la corrupziun en il pajais vegnir eliminada. L’Ucraina ha enta maun co che la reconstrucziun ha da vesair ora, sto però collavurar, coordinar ed esser transparenta en tut il process da la reconstrucziun.

audio
La decleraziun da Lugano
ord Actualitad dals 05.07.2022.
laschar ir. Durada: 5 minutas 55 Secundas.

Era la cunvegna da clima da Paris sto vegnir resguardada, perquai che la reconstrucziun sto esser persistenta. Vinavant sto vegnir resguardada l'egualitad tranter dunnas ed umens e minoritads ston vegnir integradas. La decleraziun è in document politic che n'è però betg liant giuridicamain.

La resumaziun d'Ignazio Cassis via Twitter

audio
Bilantscha da la decleraziun e la reacziun da Ignazio Cassis
ord Actualitad dals 05.07.2022.
laschar ir. Durada: 3 minutas 25 Secundas.

La Svizra dublescha ses agid per l'Ucraina

La Svizra dublescha ses agid per l'Ucraina fin la fin dal 2023 sin 100 milliuns francs. Quai ha il president da la Confederaziun Ignazio Cassis annunzià il mardi a la conferenza a Lugano. Cun 15 milliuns francs duai vegnir sustegnì l'economia digitala dal pajais.

La conferenza a Lugano: Per tge vai?

Avrir la box Serrar la box

A Lugano eran preschents represchentantas e represchentants da var 40 stadis e 18 organisaziuns internaziunalas davart la reconstrucziun da l’Ucraina. La finamira era la «Decleraziun da Lugano» che duai dar la basa per la reconstrucziun da l'Ucraina.

La conferenza è vegnida organisada da la Svizra ensemen cun l'Ucraina.

Tgi era da la partida?

Da la partida eran tranter auter il president da la Confederaziun Ignazio Cassis, la presidenta da la cumissiun europeica Ursula von der Leyen ed il prim-minister ucranais Denys Schmyhal. Il president da l'Ucraina, Wolodimir Selenski, era mo online da la partida. El n'ha betg bandunà ses pajais dapi che la Russia ha attatgà l'Ucraina.

La Svizra e l'Ucraina vulan collavurar tar la protecziun dal clima

La Svizra e l’Ucraina vulan lavurar ensemen per la protecziun dal clima. Quai han ellas decis a l’ur da la conferenza per la reconstrucziun da l’Ucraina. La ministra da l’ambient Sommaruga ed il minister ucranais per l’ecologia e resursas natiralas Ruslan Striletz han suttascrit ensemen ina cunvegna. Quella duaja permetter ina protecziun dal clima internaziunala e schlargiada, ha communitgà il departament da Sommaruga sin twitter.

Il pled d'avertura da Ignazio Cassis

En ses pled d’avertura ha Ignazio Cassis ditg ch'il giavisch da dar a la glieud en l’Ucraina ina perspectiva per in futur paschaivel en quest terribel plain destrucziun e cordoli uneschia las persunas preschentas a la conferenza. Il president da la Confederaziun ha dentant er concedì, che dus dis inscunter na bastian betg per garantir a l'Ucraina in futur prosperant. I gidia dentant per pudair sa far in maletg pli cler da la situaziun.

Selensky ha engrazià a la Svizra per l'organisaziun

Il president da l'Ucraina, Wolodimir Selensky, ha en ses pled d'avertura engrazià a la Svizra per l'organisaziun. Plinavant ha el fatg attent, che la reconstrucziun da l'Ucraina saja in project che pertutgia tut ils pajais democratics. En ses pled d'avertura ha el er accentuà che la reconstrucziun dal pajais stoppia ir maun en maun cun la refurma da la giustia ed il cumbat cunter la corrupziun.

«Building back better»

La finamira saja da betg mo reconstruir quai ch'era, mabain crear ina meglra infrastructura, in meglier ambient ed er in meglier stadi. Quai funcziuneschia dentant mo sche l'Ucraina cuntinueschia cun las refurmas necessarias, ha Cassis accentuà.

audio
Ucraina a Lugano: reconstruir in meglier pajais
ord Actualitad dals 04.07.2022.
laschar ir. Durada: 6 minutas 43 Secundas.
video
Ignazio Cassis «Igl è ina via lunga»
Or da News-Clip dals 04.07.2022.
laschar ir. Durada: 29 Secundas.

Mesiras da segirezza augmentadas

In eveniment extraordinari vul er dir che la segirezza vegn augmentada. Responsabla è la Polizia chantunala dal Tessin. Tenor il capo Matteo Cocchi èn els pronts, dentant sajan ins fitg cuntents per la buna collavuraziun cun las polizias dals auters chantuns. Sustegn survegnan els era da l'armada. Fin a 1'600 schuldada stattan a disposiziun per gidar a segirar l'eveniment. Il divisiunari Lucas Caduff ha ditg envers RTR ch'ins haja era pudì profitar dal dispositiv da segirezza dal WEF.

audio
Quant fitg è Lugano impedì?
ord Actualitad dals 05.07.2022.
laschar ir. Durada: 3 minutas 38 Secundas.

Dentant datti a Lugano era sfidas ch'èn differentas. Per exempel è il cunfin cun l'Italia pli datiers ed il spazi da l'aria vegn controllà e coordinà ensemen cun l'Italia. Plinavant sto er il Lago Maggiore vegnir tegnì en egl.

video
Il divisiunari grischun Lucas Caduff davart l'organisaziun da la segirezza tar la Conferenza Ucraina a Lugano
Or da sil punct dals 04.07.2022.
laschar ir. Durada: 1 minuta 32 Secundas.

RTR actualitad / novitads 06:00 +

Artitgels legids il pli savens

Scrollar a sanestra Scrollar a dretga