La Svizra sustegn l'idea d'in tribunal spezial per ils crim da l'aggressiun cunter l'Ucraina. Quai ha ditg il cusseglier federal Ignazio Cassis a New York a chaschun d'in inscunter davart il statut da fundaziun da la curt penala internaziunala.
La curt penala ha bain relaschà il mars da quest onn in cumond d'arrest cunter il president da la Russia Wladimir Putin. El n'ha dentant nagina cumpetenza d'intercurir en general il crim da l'agressiun en l'Ucraina. Cassis ha ditg ch'in tal tribunal spezial stoppia dentant vegnir etablì en il vast rom multilateral e cun in sustegn internaziunal equilibrà.
