Siglir tar il cuntegn

Header

In bab che tegna ses uffant pitschen.
Legenda: Il congedi da paternitad saja vacanzas gratuitas per paucs finanziadas da tuts, din ils iniziants dal referendum. Keystone
cuntegn

Congedi da geniturs Referendum cunter congedi da paternitad da duas emnas

In comité burgais da parlamentaris, interprendiders e glieud da fatschenta attatgan las duas emnas congedi da paternitad ch’il parlament ha decis il settember.

Il congedi da paternitad duai vinavant restar ina chaussa facultativa, di la cussegliera naziunala Diana Gutjahr da la PPS Turgovia e copresidenta dal comité cun exponents da differentas partidas. E tenor l’anteriur cusseglier naziunal da la PCD Arthur Loepfe saja l’organisaziun da la vita da famiglia il pensum dals geniturs. El refusia in’ordinaziun statala da vacanzas.

Custs da var 229 milliuns francs

Il parlament aveva decis en la sessiun d’atun d’introducir in congedi da paternitad pajà da duas emnas. La Confederaziun quinta cun custs da radund 229 milliuns francs ad onn. Tant ils lavurants sco ils patruns pajassan quai cun pertschients da paja supplementars.

RR novitads 16:00