Siglir tar il cuntegn

Header

Um cun pop sin bratsch.
Legenda: Ils iniziants da l'iniziativa per 4 emnas congedi da paternitad, retiran lur iniziativa. En mira han els uss in congedi da geniturs pli lung. Keystone
cuntegn

Congedi da geniturs Iniziants retiran iniziativa per 4 emnas congedi da paternitad

L’iniziativa «Per in congedi da paternitad raschunaivel» na vegn betg a l’urna. Suenter ch’il parlament era s’exprimì per in congedi da paternitad da duas emnas, han ils iniziants retratg lur iniziativa che pretenda quatter emnas congedi. Quai han els communitgà.

Duas emnas congedi da paternitad, sajan sulettamain ina schliaziun minimala, scriva il comité d'iniziativa. L'iniziativa haja lantschà la discussiun davart in congedi da geniturs, repartiziun da las rollas e politica da famiglia. Cun retrair l'iniziativa vulan ils iniziants uss far liber la via per discutar davart in congedi da geniturs pli lung.

En la sessiun d’atun aveva il parlament federal approvà la cuntraproposta a l’iniziativa cun duas emnas congedi da paternitad. Cunter quella decisiun pudess uss anc vegnir fatg in referendum.

Ord l'archiv:

oRR novitads 16:00