Parlamentarias svizras pon ir en l'avegnir a sesidas dal parlament durant il congedi da maternitad senza ch'ellas perdan il dretg d'ina indemnisaziun da maternitad. Suenter il cussegl dals chantuns ha uss er il cussegl naziunal decidì uschia.
La lescha davart l'urden da cumpensaziun dal gudogn vegn midada correspundentamain. La nova regulaziun vala sin palancà communal, chantunal e federal. Tenor lescha vertenta perda ina parlamentaria l'indemnisaziun da maternitad per sia professiun principala uschèprest ch'ella prend part ad ina sesida dal parlament.