La Svizra fa pauc areguard la prevenziun da tubac. En la rangaziun europeica, che vegn fatga mintg'onn, sa chatta la Svizra mo sin plazza 35. En cumparegliaziun cun l'onn avant ha ella gist pers 14 posiziuns. Mendras valurs ha mo anc la Germania. La raschun per las nauschas notas è la reclama per tubac che n'è nagliur en l'Europa uschè liberala sco tar nus.
Exemplaric – la Gronda Britannia
A la testa giascha la Gronda Britannia e quai gia per la 5avla giada en roda. Er areguard ils fimaders sco tals è la Gronda Britannia a la testa. Là fiman 15% da la persunas creschidas.
En Svizra è la cifra da fimaders stabila
En Svizra fiman 27% e tar ils giuvens creschids schizunt 32%. Questas cifras èn dapi il 2007 stabilas. Avant èn las cifras 10 onns sbassadas per lura puspè crescher. Per la cuminanza da lavur è quest aut dumber da fimaders ina consequenza da la politica. Il parlament ha il 2016 refusà ina moderada midada da la lescha dal consum da tubac.
Ord l'archiv
Sch'ins chala da fimar sa sminuescha la ristga da survegnir cancer dal lom. Perscrutaders san ussa era pertge che quai è uschia.
RTR novitads 12:00
