Siglir tar il cuntegn

Header

Contact tracing a Turitg
Legenda: Keystone
cuntegn

Contact tracing En blers chantuns al limit

En blers chantuns, sco per exempel a Turitg, na possian ils contact tracers betg pli dar dumogn al grond dumber da novas infecziuns. Quai scriva la «SonntagsZeitung». Perquai dettia il privel che chadainas d’infecziuns na possian betg pli vegnir interruttas.

L’epidemiolog e commember da la Taskforce da la Confederaziun, Marcel Tanner, ha concedì ch’il contract tracing saja en tscherts lieus al limit. Dentant na dastgia la Svizra uss betg dar si. Ils chantuns stoppian anc far dapli per evitar ina segund’unda.

Ord l'archiv

In'egliada en la centrala da contact dal Grischun:

Berna: Plirs tschients en quarantina

Las autoritads da sanadad dal chantun Berna han tramess ulteriurs 500 visitaders da bars e clubs en quarantina. Pertutgads sajan persunas che sajan stadas la fin d’emna passada en ils clubs «Bierhübeli», «Delinat Weinbar» u «Reitschule». In dals visitaders saja vegnì testà positiv sin il coronavirus – han argumentà las autoritads. Gia il venderdi han 1’400 persunas stuì ir en quarantina suenter la sortida.

Las autoritads bernaisas appelleschan als gestiunaris da betg mo nudar il temp cura ch’ils giasts arrivian, mabain er cura che quels bandunian las localitads.

RTR novitads 9:00+

Artitgels legids il pli savens

Scrollar a sanestra Scrollar a dretga