Bainbaud saja puspè pussibel da chattar tuttas persunas infectadas e lur persunas da contact sco er da metter talas en quarantina. Quai ha il delegà da l'uffizi federal da sanadad Daniel Koch declerà. El discurra en quest connex dad ina nova fasa en il cumbat cunter il coronavirus.
video
Koch: «Nus entrain en ina nova fasa»
Or da News-Clip dals 01.05.2020.
laschar ir. Durada: 33 Secundas.
Applicaziun d'avertiment
Cunquai ch'ins dettia er vinavant il virus, avant ch'ins mussia sintoms saja impurtant dad ir sin ils fastizs, ha ditg Marcel Salathé, il manader da la gruppa d'experts responsabla. El ha preschentà l'applicaziun d'avertiment da corona da la Confederaziun. Latiers ha el accentuà che la protecziun da datas saja garantida. E ch'il diever da questa app saja voluntari. Tenor Salathé è l'applicaziun probabel pronta a partir da mez matg.
video
Salathé: «App duess esser pronta fin mez matg»
Or da News-Clip dals 01.05.2020.
laschar ir. Durada: 40 Secundas.
