Siglir tar il cuntegn

Header

cuntegn

Contaminaziun da l'aua Aua svizra – betg pli uschè netta sco ses image

L'aua da baiver en Svizra è vi e pli contaminada cun nitrats e pesticids. Quai mussia in studi federal, rapporta l'agentura da novitads svizra SDA.

Il studi da l'Uffizi federal per natira ed ambient BAFU è cler: L'aua da baiver svizra è pli e pli contaminada cun nitrats e pesticids. Cun quai che quellas substanzas derivan per la pli gronda part da l'agricultura pretenda l'uffizi ch'ils purs hajan da tegnair dapli tgira da l'aua.

Per ses studi ha il BAFU evaluà las cifras da posts da mesiraziuns da l'aua sutterrana e quai dals onns 2007 fin 2016.

En cifras:

  • 4 da 5 posts da mesiraziun giu la Bassa cuntegnan dapli nitrats che la valur natirala,
  • 1 da 2 posts da mesiraziun mussa restanzas da pesticids e
  • pli che 1 da 10 posts da mesiraziun mussa ina concentraziun da nitrat sur la limita.

Il pli ferm patescha l'aua da baiver en ils gronds territoris d’agricultura. Il surpli da nitrats vegn per exempel da la grascha ch'ils purs bittan sin la prada.

Radund 80% da l'aua da baiver en svizra deriva dad aua sutterrana. Da ses studi concluda l'uffizi d'ambient che l'aua na saja bain betg periclitada, ma pli e pli sut squitsch. L'agricultura ha da tegnair tgira da l'aua per che quella na vegnia anc pli malnetta.

A propos:

Noss corp dovra aua, cler, ma pertge atgnamain? Il Minisguard declera.

video
Aua il motor da noss corp
Or da Actualitad dals 29.06.2019.
laschar ir. Durada: 1 minuta 47 Secundas.

RR novitads 10:00++

Artitgels legids il pli savens