L’onn passà ha la controlla da finanzas per l'emprima giada preschentà in studi, co la Confederaziun dirigia sias relaziuns cun ils chantuns sin livel organisatoric. E savens na funcziunia il principi betg, che l’administraziun dumonda datas da mintga persuna u da mintga firma sche pussaivel sulettamain ina giada.
Resumà pon ins dir che la Confederaziun è infurmada meglier sur da sias relaziuns cun Mexico che sur da las relaziuns da ses uffizis federals cun il Vallais.
Ch’i dat en blers secturs problems da consolidar datas chantunalas sin nivel federal ha plirs motivs, tenor Huissoud. Ils chantuns na dovrian betg la medema software e hajan definì different las datas. Plinavant saja la qualitad da las datas manglusa, ellas sajan incumplettas u ch'ils Uffizis federals na survegnian gnanc quellas.
Michel Huissoud ha adina puspè gì differenzas cun las autoritads ils davos onns. E tuttina èn l’onn passà sulet 18 da 305 recumandaziuns da la Controlla federala da finanzas vegnidas renviadas da las instituziuns examinadas. Quai mussa il rapport annual 2021. Successur da Huissoud sco schef da la controlla da finanzas giu Berna daventa Pascal Stirnimann, el surpiglia ses uffizi il 1. da settember.
