La presidenta da la Confederaziun Simonetta Sommaruga vul sa scuntrar l'emna che vegn cun ils represchentants dals chantuns. Quai per meglierar la coordinaziun en la crisa, tranter auter giaja per chattar ina buna schliaziun per las occurrenzas grondas. Ins veglia era furmar da nov la collavuraziun tranter Confederaziun e chantuns. Per il Cussegl federal sajan ils differents signals dals chantuns mintgatant grev. Quai ha ditg la pledadra da Sommaruga ed ha cunquai confermà in rapport da la «SonntagsZeitung».
Ils chantuns gioghian in'impurtanta rolla en la crisa e la coordinaziun saja decisiva. A quest inscunter cun Sommaruga sa participeschan tranter auter ils directurs da sanadad ed economia dals chantuns.
Ord l'archiv
audio
Il Grischun avess vulì in pli lung scumond d'occurrenzas grondas
ord Actualitad dals 12.08.2020.
laschar ir. Durada: 2 minutas 38 Secundas.
