Siglir tar il cuntegn

Header

Tavla che mussa la direcziun tar il center da test da corona.
Legenda: Keystone
cuntegn

Corona Chantuns betg d'accord da stuair pajar sez ils tests da corona

Il svilup da medicaments, ils certificats da covid ed ils tests duain vegnir prolungads enfin la stad 2024.

Malgrà che la situaziun è sa stabilisada e ch'il dumber d'infecziuns novas va enavos vul il Cussegl federal esser preparà sche la situaziun epidemiologica pegiurescha quest atun. El trametta perquai en consultaziun tar ils chantuns, las cumissiuns parlamentaras ed ils partenaris socials intginas midadas da la lescha da Covid-19.

La proposta dal Cussegl federal da prolungar la lescha da Covid-19 procura per critica dals chantuns, d'associaziuns e da partidas. Cunzunt disturba l'idea ch'ils chantuns duain surpigliar il custs da testar sin corona davent da l'onn che vegn. Bain laschass il Cussegl federal decider sezs ils chantuns tge tests ch'els vulan pajar. La Confederaziun vul dentant obligar ils chantuns da porscher avunda pussaivladads da testar. Sia proposta definitiva vul il Cussegl federal preschentar anc avant la sessiun da stad che cumenza la fin dal mais.

Chantuns duain pajar tests

Sper promover il svilup da medicaments cunter il coronavirus duai era la pussaivladad d'edir certificats da corona, per exempel per viadis en l'exteriur, vegnir prolungada enfin il zercladur 2024. In punct impurtant è era la dumonda tgi che paja ils tests da corona en il futur. Qua propona il Cussegl federal ina midada: Enfin la fin da quest onn duai vinavant la Confederaziun surpigliar quels custs, suenter ils chantuns. Betg prolungar vul il Cussegl federal dentant la basa legala per ils sustegns finanzials per l'economia ed ils cas da direzza.

audio
Per tadlar: curt e cumpact
aus RTR Audio vom 27.04.2022.
abspielen. Laufzeit 1 minuta 10 Sekunden.

RTR novitads 17:00

Artitgels legids il pli savens

Scrollar a sanestra Scrollar a dretga