Siglir tar il cuntegn

Header

cuntegn

Coronavirus Berset quinta cun ina quarta unda

La Svizra na vegnia betg da evitar ina quarta unda da corona. Ma i vegnia a dar ina autra – che las emprimas trais. Quai ha il minister da sanadad Alain Berset ditg en ina intervista cun la «Südostschweiz am Wochenende».

Alain Berset ha era menziunà la rolla dal chantun Grischun en connex cun ils test da massa. Quai saja stà per els da gronda impurtanza. Ins haja vis «en vivo» sche e sco quai project funcziuneschia. Ed i haja sa mussà, che quai possia manar sin la dretga via. Sch'ins guardia enavos, stoppian ins dir, ch'i saja stà absolut gist quai ch'il Grischun haja fatg.

Ord l'archiv

Impurtant da sa laschar vaccinar

La quota da vaccinar tar la generaziun pli veglia e cunquai las persunas las pli periclitadas saja sur 80%. Uschia saja la situaziun da partenza in'autra. Impurtant saja dentant ch'anc dapli persunas sa laschan vaccinar. Oravant tut persunas sut 50 onns. Actualmain saja la situaziun sut controlla. Il proxim temp vegnian las contagiuns dentant a s'augmentar. Sche persunas vaccinadas dovrian ina terza virola u betg, na vegnia betg decidì da firmas da farma. La Confederaziun vegnia ad examinar quai ensemen cun spezialists. I saja imaginabel ch'ina terza virola portia insatge, oravant tut a persunas attempadas.

RTR novitads 06:00;

Artitgels legids il pli savens

Scrollar a sanestra Scrollar a dretga