Siglir tar il cuntegn

Header

cuntegn

Coronavirus en Svizra In quart dapli cas che l'emna avant

Per la Svizra ed il Principadi da Liechtenstein annunzia l'Uffizi federal da sanadad per venderdi fin dumengia 1'548 novs cas da Covid-19. Tenor la communicaziun dal glindesdi hai durant quels trais dis dà 3 mortoris e 39 novas ospitalisaziuns en connex cun il coronavirus.

Guardà sur ils ultims set dis hai en media dà 421 novas infecziuns per di. Quai èn 25% dapli che durant il medem temp da l'emna avant.

Per la fin d'emna d'avant in'emna aveva il BAG anc annunzià 782 novas infecziuns per trais dis e l'emna avant 1'095. Dapi trais emnas n'annunzia il BAG la sonda e la dumengia naginas cifras dal di pli.

48 cas activs en Grischun

Da venderdi fin glindesdi hai dà en Grischun 19 novs cas da Covid-19. Tut en tut datti en Grischun actualmain 48 cas activs, da quels vegnan dus tgirads a l'ospital. En quarantina èn il mument 137 persunas en l'entir chantun.

Bleras infecziuns activas datti surtut la regiun da l'Engiadin'Ota, nua che l'Uffizi da sanadad chantunal ha chattà il venderdi ina accumulaziun dad infecziuns.

Ord l'archiv:

audio
Cluster da corona en Engiadin'Ota – trais scolas pertutgadas
ord Actualitad dals 03.10.2020.
laschar ir. Durada: 2 minutas 43 Secundas.

RTR novitads 14:00

Artitgels legids il pli savens