L'Uffizi federal da sanadad ha fatg in contract cun l'interpresa GlaxoSmithKline per ina reservaziun da medischina encunter il nov coronavirus. I sa tracta da dosas da l'anticorpul Strovimab, quai communitgescha l'uffizi federal da sanadad.
Reservadas èn vegnidas 3'000 dosas, cun quellas pon vegnir tractà pazientas e pazients ch'han ina gronda ristga per in grev andament da covid.
Firma tessinaisa
L'anticorpul è vegnì scuvert d'ina interpraisa da biotech tessinaisa. Il mument n'è il medicament empermettent però anc betg lubì en Svizra, communitgescha il BAG.
