Siglir tar il cuntegn

Header

cuntegn

Coronavirus La Svizra cumpra medicaments per la prevenziun da Covid-19

Profitar dals medicaments duain intgins millis pazients e pazientas che na possian betg sa laschar vaccinar, ha communitgà l'Uffizi federal da sanadad BAG. Ils dus medicaments Tixsagevimab e Cilgavimab dal producent Astra Zeneca sajan per gruppas da ristg cun in sistem d'immunitad flaivlentà, per exempel suenter ina transplantaziun.

En cumbinaziun protegian els almain sis mais d'ina infecziun cun Covid-19. Damai ch'ils medicaments n'èn anc betg permess da Swissmedic vegnan els mo prescrits excepziunalmain.

audio
Per tadlar: Las novitads da las 15:00
ord RTR Audio dals 10.03.2022.
laschar ir. Durada: 2 minutas 25 Secundas.

RTR novitads 11:00

Artitgels legids il pli savens

Scrollar a sanestra Scrollar a dretga