Siglir tar il cuntegn

Header

cuntegn

Coronavirus Mo paucs mortoris tar persunas vaccinadas

Dapli l'entschatta da l'onn èn be paucas persunas ch'eran vaccinadas duas giadas, mortas en ils ospitals svizzers pervi d'ina infecziun da corona. Quai resulta d'ina analisa dal sistem per survegliar Covid-19 da l'Uffizi federal da sanadad BAG. Da l'entschatta da la vaccinaziun il december da l’onn passà fin la fin d'avust, hajan ils 20 ospitals participants registrà 5'928 ospitalisaziuns en connex cun Covid-19. 495 da questas pazientas e pazients sajan morts, ha communitgà il BAG.

Da questas eran sulettamain 14 vaccinadas duas giadas. Tschintg eran sur 80 onns, tschintg tranter 70 e 79 onns, e quatter tranter 60 e 69 onns. 44 dals mortoris han pertutgà persunas ch’eran vaccinadas ina giada. Cleramain la pli gronda part dals mortoris han ins registrà tar persunas betg vaccinadas, numnadamain 437. Quai correspund a radund 88%. Radund in terz da quests mortoris ch’eran betg vaccinads – hai dà tar persunas sur 70 onns. Questas cifras mussian che la vaccinaziun protegia la populaziun tant da stuair ir en ospital, sco er d'in andament mortal, scriva l’Uffizi federal da sanadad.

RTR novitads 14:00

Artitgels legids il pli savens