La nova varianta dal coronavirus che sa derasa en Gronda Britannia è entant er vegnida cumprovada en Svizra. En duas provas da persunas ch'èn vegnidas testadas positiv han ins chattà la mutaziun dal virus. Quai communitgescha l'Uffizi federal da sanadad.
Las persunas pertutgadas hajan lur dachasa en la Gronda Britannia e sajan vegnidas testadas positiv en Svizra. Ils chantuns danunder che las provas derivan sajan vegnids fatgs attent, che questa varianta pli infectusa possia er circular tar els. Da tge chantuns ch'i sa tracta n'ha l'Uffizi federal da sanadad betg ditg.
