Suenter che Swissmedic ha dà il permiss al vaccin saja la procentuala da las persunas che vulan sa laschar virolar s'augmentada da 41% sin 50%, rapporta il SonntagsBlick e sa basa sin in monotoring represchentativ da l'Universitad da Turitg.
Sper quels ch'èn da buna veglia envers la virola dettia dentant anc numerus skeptichers. Bunamain mintga terza persunas dumandada na vul il mument betg sa laschar virolar e radund 20% èn anc indecis.
Umens èn plitost pronts da sa virolar
Tar las persunas sur 50 onns èn cnap 60% pronts da sa laschar virolar. Tranter las persunas da 15 fin 49 onns èn quai be 40% che vulan s'immunisar. Quai che croda en egl la la differenza tranter las schlattas. Fertant che 56% dals umens èn pronts da sa virolar cunter il coronavirus èn quai tar las dunnas be 43%.
Ord l'archiv
Controvers spezial: Co vinavant en il Grischun? En in «Controvers spezial» han ils cussegliers guvernativs Marcus Caduff, Peter Peyer e Jon Domenic Parolini dà pled e fatg. Il Grischun na vul betg far concurrenza cun auter chantuns cura ch’i va per vaccinar la populaziun. Il chantun prepara tut sin il start dals 4 da schaner 2021.
