Passa 200 propostas per projects èn vegnidas inoltradas, 36 projects vegnan ussa sustegnids dal fond naziunal svizer. Ils sis da mars aveva il fond mess a disposiziun tschintg milliuns francs per perscrutaziun. Trais tozzels possian ins realisar, ha ditg il president dal fond naziunal svizzer Matthias Egger en in’intervista cun la gasetta «Le Temps». Ils emprims projects hajan gia cumenzà.
Sistem da surveglianza
Ultra da quai haja er il Cussegl federal incumbensà il matg in program da perscrutaziun naziunal, uschia Egger. Ils projects sajan fitg differents. Egger spera, ch'ins gudognia tras ils novs projects spert scuvertas concretas ch'ins possia lura applitgar. Plinavant propona el era dad introducir in sistem da surveglianza per malsognas infectusas.
