Siglir tar il cuntegn

Header

video
Bundesrat Alain Berset erklärt die neuen Verhaltensregeln (frz.)
Or da News-Clip dals 04.03.2020.
laschar ir
cuntegn

Coronavirus Tegnair distanza

L'uffizi da sanadad ha agiunt las recumandaziuns per sa proteger dal coronavirus. Da nov è vegni tiers da tegnair distanza per exempel sch'ins sto star en colonna.

La nova mesira duai cunzunt proteger persunas pli veglias. Quellas sajan pli periclitadas dal coronavirus che persunas giuvnas. Quai duai valair per exempel sch'ins sto star en colonna per ir a la posta u sch'ins è a sesidas, han chantuns e Confederaziun communitgà ensemen mesemna saira. Vinavant valian era las autras mesiras:

  • Lavar bain ils mauns
  • Tusser e starnidar en in fazielet u en la foppa dal cumbel
  • Bittar il fazielet utilisà en ina sadella da rument serrada
  • Evitar da dar il maun
  • Restar a chasa en cas da tuss u da fevra
  • S’annunziar per telefon avant che ir tar il medi u a la staziun d’urgenza
  • NOV: tegnair distanza

Da tegnair distanza saja impurtant per proteger ils vulnerabels en ina societad ha ditg il minister da sanadad Alain Berset.

Analisa da ristga per occurenzas cun dapli da 150 persunas

Dasper la distanza sociala ha Alain Berset era communitgà ensemen cun Heidi Hanselmann, la presidenta da la Conferenza svizra da las directuras e dals directurs chantunals da sanadad, directivas communablas per ils chantuns tge che pertutga occurrenzas. Uschia duai vegnir fatg ina analisa da ristg dal chantun tar eveniments cun dapli che 150 persunas. Tar eveniments pli pitschens duain ils responsabels pudair decider sezs.

video
Heidi Hanselmann: «Bis 150 Personen muss keine kantonale Risikoabschätzung eingeholt werden.»
Or da News-Clip dals 04.03.2020.
laschar ir

I saja stà impurtant ch'ils chantuns hajan pudì definir ensemen tge che saja insumma ina occurrenza di Hanselmann, per uschia pudair metter si reglas communablas.

Sin dumonda dad RTR scriva il directur da sanadad dal Grischun, Peter Peyer, ch'ins analisescha gievgia tge ch'ins stoppia uss eventualmain adattar.

Infurmaziuns per la populaziun

Tar return da l'exteriur:

Dumondas frequentas:

  • Infoline BAG 058 463 00 00
    (mintga di 06:00 – 23:00)

Ulteriuras infurmaziuns:

RTR novitads 06:00

Artitgels legids il pli savens

Scrollar a sanestra Scrollar a dretga