Siglir tar il cuntegn

Header

cuntegn

Uffizi federal da sanadad Mesiras pli severas – evitar da dar maun

La Confederaziun intensivescha la campagna d'igiena – da nov duess'ins er evitar da dar il maun.

Mesiras sco serrar cunfins u scolas n'èn per las autoritads federalas per il mument anc nagin'opziun. I dat il mument in scumond per occurrenzas che han dapli che 1'000 persunas.

L'Uffizi federal da sanadad ha lantschà quest’emna ina proxima offensiva d'infurmaziun. Quella cuntegn las suandantas reglas d'igiena:

  • evitar da dar il maun
  • fazialets da palpiri duain vegnir bittads davent en chanasters da rument serrads
  • visitar staziuns d'urgenza pir suenter in'annunzia telefonica

Quellas trais reglas cumpletteschan las ulteriuras reglas d'igiena che la Confederaziun ha gia definì avant. Quellas èn:

  • lavar bain ils mauns
  • tusser e starnidar en in fazialet ubain en il cumbel
  • star a chasa sch'ins ha fevra e tuss

Cun quai mida la colur da la campagna d'infurmaziun dal BAG da mellen sin cotschen. Sche la populaziun suonda las recumandaziuns lura possian ins sa proteger da l'infecziun dal coronavirus.

video
Il virus da Corona - Co sa proteger?
Or da Giuventetgna dals 24.02.2020.
laschar ir. Durada: 1 minuta 13 Secundas.

RR novitads 06:00

Artitgels legids il pli savens