Siglir tar il cuntegn

Header

cuntegn

Coronavirus Tge sche las schluccadas sveltas surdumondan?

audio
Schluccar mesiras: Ils effects psicologics che quai ha
ord Actualitad dals 07.02.2022.
laschar ir. Durada: 3 minutas 35 Secundas.

Seser en il tren senza mascra, ir a lavurar en in biro cun tut ils collegas ed ir ad ina festa pli gronda senza certificat. Bainbaud vegn quai puspè pussaivel. Il Cussegl federal planisescha numnadamain da schluccar tant pli spert las mesiras encunter il coronavirus. Igl è in pass che pudess procurar tar diversas persunas per difficultads, di l’expert per la sanadad psichica Alain Di Gallo.

I dat segir persunas che han grondas temas dal virus. Quellas persunas vegnan ad avair fadia da puspè esser enturn persunas.
Autur: Alain Di Gallo Expert per la sanadad psichica

Dentant era persunas che n’han betg grondas temas, mabain èn s'adattadas a la situaziun ed eran uschia per exempel passa dus onns en homeoffice ed han reducì ils contacts, pudessan avair difficultads da returnar enavos en l'uschenumnada normalitad.

audio
Episoda 17: Daletg u tema – tge fan las schluccadas cun nus?
ord Café federal dals 03.02.2022. Maletg: RTR / Adrian Camartin
laschar ir. Durada: 14 minutas 11 Secundas.

Mintgina ses agen tempo

Co che nus reagin sin il coronavirus saja fitg individual. Il schefmedi da la psichiatra per uffants e giuvenils a Basilea fa in exempel cun in uffant: «È l’uffant stà avant la crisa fitg activ, saja quai en in club da ballape u tar in'autra activitad ed è gugent en cumpagnia, lura riva quel subito puspè da sa disar vi dad in mund senza mesiras.» Auter pudess quai esser per in uffant che n'aveva gia avant la pandemia betg uschè gugent l’activitad en ina gruppa. Quel uffant pudess avair dapli fadia. Impurtant saja da betg sfurzar enavos en activitads. Mintgin duai pudair returnar en ses tempo senza squitsch. Impurtant saja dentant da discurrer surlonder e da betg giuditgar quai sco debel.

Blers vegnan da turnar senza problems

Ord vista psicologica na dettia betg ina via «meglra» per schluccar. Sche las mesiras vegnan schluccadas en ina u pass per pass, dettia quai adina persunas che san ir enturn cun in meglier che cun l’auter.

Alain Di Gallo di però che la gronda part da la populaziun vegn a sa disar svelt e bain ad in mintgadi senza mesiras.

Podcast Café federal

Il podcast politic. In sguard davant e davos las culissas da la politica naziunala.

Ulteriurs audios e podcasts

RTR actualitad 07:00

Artitgels legids il pli savens