Ils ospitals universitars da Genevra han activà il mardi il modus da crisa. Entaifer be tschintg dis saja il dumber dals pazients cun Covid-19 sa dublegià sin 169 pazients. Da quels èn 20 sin la staziun intensiva.
Il dispositiv prevesa dapli letgs tar la tgira intensiva, acuta e da reabilitaziun sco era d'engaschar dapli persunal, communitgeschan ils ospitals. Plinavant duain vegnir fatgas damain operaziuns per avair dapli capacitads per pazients cun Covid-19. La situaziun saja identica cun quella dal mars passà, vegn cità il directur general, Bertrand Levrat, en la communicaziun a las medias.
Ord l'archiv:
Gia l'emna passada aveva l'ospital da Sviz fatg attent sin la situaziun dramatica.