La pli gronda acziun da repatriaziun da Svizras e Svizzers a l’ester cuntinuescha. Oz a bun’ura è atterrà a Turitg in aviun da la Swiss or da l’India.
A bord eran var 200 Svizras e Svizzers e burgais d’auters stadis. La gievgia eran gia dus aviuns cun persunas da las Inslas Canaras e da l'Africa dal Sid a bord atterrads a Turitg.
Fin il venderdi èn tut en tut 2'100 burgais svizzers sco er 1'600 persunas d'auters pajais – inclus da quels che abitan en Svizra – vegnids transportads a chasa da l'Asia, Africa ed America dal Sid. Ultra da quai èn var 800 persunas svizras vegnidas transportadas d'auters pajais enavos en Svizra.
L’acziun da repatriaziun dal Departament da l’exteriur EDA è bainbaud a fin. Ils proxims dis èn be anc paucs sgols planisads, tranter auter or da la Guatemala, il Peru ed il Congo.
Ord l'archiv da SRF:
