Siglir tar il cuntegn

Header

cuntegn

Crisa da corona Demonstraziuns cunter ils scumonds da corona

A Berna hajan almain tschient persunas demonstrà cunter ils scumonds da corona. Tenor in reporter da Keystone-SDA èn ils demonstrads sa radunads en gruppas sin il «Bärenplatz». Blers hajan purtà placats cun parolas sco «Libertad Gea – Nagin sforz». Cun autpledaders haja la polizia supplitgà ils demonstrants dad ir dapart, tenor il reporter dentant senza success.Damai ch'i aveva er persunas pli veglias, famiglias ed uffants, ha la polizia desistì da schliar la demonstraziun.

Son Gagl

Er a Son Gagl hai dà ina sumeglianta acziun. Là han radund 80 persunas demonstrà cunter las mesiras dal Cussegl federal. La demonstraziun saja stada plaschaivla. Dad in tozzel demonstrants ha la polizia prendì las persunalias. Els ston quintar cun ina annunzia pervia da la cuntravenziun cunter las ordinaziuns dal Covid-19.

Turitg

Sin il Sechselütaplatz a Turitg èn enturn 200 persunas sa radunadas il suentermezdi e han pretendì ina fin da las mesiras da stadi d'urgenza.

Basilea

A Basilea han medemamain enturn 100 persunas demonstrà. Là èn ils demonstrants dentant sa formads en gruppas pitschnas e han tegnì la distanza minimala.

Ord l'archiv

video
Il chantun prenda mesiras rigurusas pervia dal coronavirus
Or da Telesguard dals 13.03.2020.
laschar ir

RTR novitads 15:00

Artitgels legids il pli savens

Scrollar a sanestra Scrollar a dretga